Avromed

Биеэ засаад гэрээ засах, гэрээ засаад төрөө засах гэх энэ сургаалын ард орших биеэ засаад гэдгийн учир бол хүн бүхэн эрүүл мэндийн, бие бялдрын, оюун ухааны, ёс зүйн гэх зэрэг олон ухаанд нэвтэрч амьдралдаа буулгасан байхад оршино. Тиймээс хамгийн түрүүнд бие засах нь чухал болой.

Үйлчилгээ

Монголын уламжлалт анагаах ухааны оношилгоо болон эмчилгээ

Бид дараах үйлчилгээнүүдийг явуулж байна.

ТӨӨНҮҮР ЗАСАЛ

Биеийн гадаргуу дээрх биологийн идэвхтэй бэлчрүүдээр дулааны болон эмт бодисын үйлдлийг бие махбодод дамжуулан дархлалын тогтолцоог идэвхжүүлж, цус, тунгалгийн бичил эргэлтийг сэргээж, илчийг үүсгэх, хий цусны гүйдлийг тэгшитгэж өвдөлт намдаана.

Дэлгэрэнгүй

ЗҮҮ ЭМЧИЛГЭЭ

Биеийн гадаргууд байрладаг биологийн идэвхтэй сүвэнд зүү хатгаж арьс, булчин шөрмөс, суллан мэдрэхүйд сэдээн цочроох замаар судас-мэдрэлийн тогтолцоог даган тасралтгүй эргэлдэх энерги цусны урсгалыг сэргээнэ.

Дэлгэрэнгүй

ДАЛАЙН ДАВСАН АГУУ

Эртнээс манайд улсад төдийгүй дэлхий улс гүрнүүд давсыг эмчилгээнд хэрэглэж ирсэн даа ялангуяа хоолойн өвчин, ханиад, хордлого, өтгөн хаталт, хоолны шингээлт муудах, дархлаа унах, нойргүйдэх, гүйлгэлт, бөөлжих гэх зэрэг маш олон өвчний үед хэрэглэдэг байсан.

Дэлгэрэнгүй

УАУ-НЫ ТОСОН ЗАСАЛ БУЮУ БАРИА ЗАСАЛ

Суваг хэрдэс дагууд илэх, нухах, үрэх, чичиргэж доргиох аргаар арьс арьсан доорх өөхлөг эд, булчин, шөрмөс, хөлс, тосны булчирхайд сэдээлт өгч улмаар мэдрэлийн ширхэг, бичил цусны эргэлт, тунгалгийн зангилгаагаар дамжуулан тайвшруулах, цусны эргэлтийг сэргээх, арьсны тэжээллэг чанарыг нэмэгдүүлэх, булчин сулруулах, үрэвслийг дарах, өвдөлт намдаах.

Дэлгэрэнгүй

ХАЛУУН ТОСОН ЗАСАЛ

Биеийн гадаргуугийн суваг хэрдэс дагууд халуун тосоор илэх, нухах, үрэх аргаар бие махбодыг шимжүүлэх, захын мэдрэлийг сэргээх, цус, тунгалаг, хийн эргэлтийг сайжруулан, булчин шөрмөсний үйл ажиллагааг сэргээх, үрэвслийг дарах, өвдөлт намдаах.

Дэлгэрэнгүй

ШИМЖҮҮЛЭХ ЗАСАЛ ЭМЧИЛГЭЭ

Суваг хэрдэс дагууд халуун сүү, шар сүү, шөл, хиймэл рашаанаар шимжүүлж илэх, нухах, үрэх аргаар бие мах бодийг шимжүүлэх, дулаацуулах, хордлого тайлах, захын мэдрэлийг сэргээх, цус, тунгалгийн эргэлтийг сайжруулах.

Дэлгэрэнгүй

ХЭСЭГЧИЛСЭН БАРИА ЗАСАЛ БУЮУ ХЭСЭГ ГАЗРЫН ГАР ЗАСАЛ ЭМЧИЛГЭЭ

Биеийн гадаргуугийн суваг хэрдэс дагууд нухах, дарах, илэх, үрэх аргаар сэдээлт өгөн цус, тунгалаг, хийн эргэлтийг сайжруулах, чангарсан булчинг сулруулах

Дэлгэрэнгүй

БУМБА (СОРУУЛ) ЗАСАЛ

Хэсэг газрын мэдрэл, цус, тунгалаг, хийн эргэлтийг сайжруулснаар үрэвсэл дарж, өвдөлтийг намдаах, цэр ховхлох, халуун бууруулах, амьсгаа намдаах. Галт бумба, хүйтэн бумба гэж хоёр янз байдаг.

Дэлгэрэнгүй

БУМБАТ ИЛЛЭГ БУЮУ БУМБА ГҮЙЛГЭХ

Арьсны хүлээн гадаргыг цочроож төв мэдрэл, зүрх судасны тогтолцоонд сэдээлт өгөн цусны эргэлт, тунгалгийн үйл ажиллагааг сэргээх, сэтгэл санааг тайвшруулах, амьсгалыг уужруулах, цэр ховхлох, халуун бууруулах, өвдөлт намдаан эрч хүч нэмэх.

Дэлгэрэнгүй

САМ СОРУУЛ БУЮУ ШИВҮҮР

Хий цус зогсонги болсноос өвдөж буй биеийн хэсэгт тусгай зориулалтын хутга зүүгээр 15-20 удаа хатган шивж дээр нь бумба тавьж хөхүүлэн цусыг гадагшлуулж бичил судас, тунгалгийн эргэлт, хийн гүйдлийг сайжруулах замаар бие махбодын өвчин эсэргүүцэх чадварыг сэргээн, үрэвсэл дарж, өвдөлт намдаах, хаван арилгах, халуун бууруулах.

Дэлгэрэнгүй

ЗӨГИЙН БАЛТАЙ ТАТЛАГА

Хэсэг газрын мэдрэлийн үйл ажиллагааг сэргээх, цусны урсгал түргэсгэх, тунгалгийн болон дархлааны үйл ажиллагааг сайжруулснаар үрэвсэл дарж, өвдөлтийг намдаах, цэр ховхлох, халуун бууруулах, амьсгаадсаныг намдаах.

Дэлгэрэнгүй

БАЙГАЛИЙН БОЛОН ХИЙМЭЛ РАШААН (дэвтээлгэ засал)

Дулааны болон эмт бодисын үйлчлэлээр бодисын солилцоог сайжруулж, биеийг шимжүүлэн, тунгалгийн эргэлт, хий, цусны гүйдлийг сайжруулж, булчин шөрмөсийг сулруулан, хавдрыг хариулж, шар усны гэмийг арилгана.

Дэлгэрэнгүй

БИГНҮҮР ЗАСАЛ БУЮУ АЛЧУУРААР ЖИН ТАВИХ

Байнга сэрүүн мөн чанартай хоол унд хэрэглэх, хүйтэн газарт ажиллаж даарах гэх зэрэг шалтгаанаас үүдсэн өвчний үед халуун бүлээн бигнүүр нь дулааны нөлөөгөөр захын мэдрэлийг цочроож цус, тунгалгийн бичил эргэлтийг сэргээн бие махбодыг дулаацуулах, өвдөлт намдаах, дархлалын тогтолцоог идэвхжүүлэх, булчин сулруулах зорилгоор хэрэглэнэ.

Дэлгэрэнгүй

ТУУЛГА ЗАСАЛ

Бадган, шарын урхгийг арилгах буюу хоол тэжээлийн шалтгаантай биед хуримтлагдсан өвчин үүсгэж болох шалтгаануудыг биеэс тууж гаргах, галын илчийг сэлбэх буюу туулгаар ходоодны өнгөр гэх зэргийг гадагшлуулж хоол тэжээлийн дэглэмээр шинээр ходоодны шингээлтийг сайжруулна, дуршлыг нээх.

Дэлгэрэнгүй

Дараалал

Ажиллах зарчим

Уламжлалт анагаах ухааны оношилгооны бүх аргуудаар мэдээллийг цуглуулж эмч оношийг тавина. Тавьсан оношны дагуу эмчилгээний төлөвлөгөөг боловсруулж эмчлүүлэгчид танилцуулж өгнө. Эмчилгээнд зөв хооллолт, зөв амьдралын хэв маяг эмийн эмчилгээ, эмийн бус эмчилгээ гэсэн 4 байдлаар эмчилгээ явагдана.

Оношилгоо

Асуух, харах, хүрэлцэх

Асуух

Өвчтөний түүхийн мэдээлэл

Харах

Орчин үеийн лабораторийн шинжилгээнүүд, биеийн ерөнхий байдал, арьсны өнгө, хэл, шээс гэх мэт

Хүрэлцэх

Судас оношилгоо болон тэмтрэх, харьцуулах

Хамт олон

Танилцуулга

Манай Уламжлалт Анагаах Ухааны Эмнэлэгийн найрсаг хамт олон таныг угтах болно.

Б Чойном

Ерөнхий эмч, Захирал

Дамдин Энхцацрал

УАУ-ны их эмч

Тогоомандах Долгорсүрэн

УАУ-ны их эмч

Жаргал Ариунжаргал

УАУ-ны их эмч

Товчхон

Бидний тухай

Уламжлалт анагаах ухааны үндсэн гол чиглэл бол Тэжээхүй ухаан буюу хүн өөрийн онцлогт тохирсон хоол хүнс амьдралын хэв маягийг гадна улиралд зохицуулах хэрэглэж сурах юм. Энэ нь эргээд олон өвчнөөс урьдчилан сэргийлэх арга билээ. Эртнээс Монголчууд энэхүү ухаанд суралцсан байсан ба өдийг хүртэл өв соёл, ёс заншил хэлбэрээр бидний дунд үлдээж чадсан өвгөд дээдсийн маань ач юм. Гэхдээ сүүлийн үед элдэв бизнесийн тархи угаалт, маркетингийн золиос болсоор байвал Өв соёлтой минь хамт өмнөх үеийн өвгөдийн хийж бүтээсэн үлдээж чадсан ухаан бүдгэрэн бүдгэрсээр үгүй болох вий гэх болгоомжлол байна тиймийн учир ард иргэдийн дунд энэхүү ухааныг өвлүүлэн үлдээхэд гол утга учир зорилго маань оршиж байгаа.

4

Жилийн туршлага

Манай Уламжлалт Анагаах Ухааны Эмнэлэг нь байгуулагдсан цагаасаа эхлэн тогтмол үйл ажиллагаагаа явуулсаар байна.

3k

Үйлчлүүлэгчид

Бид мянга мянган үйлчлүүлэгчдийнхээ эрүүл энхийн манаанд зогссоор байна.

15

Хамт олон

Манай эмнэлэг нь жил ирэх тусам өргөжин тэлсээр өнөр өтгөн болсоор байна.

Асуулт

Түгээмэл асуулт хариулт

Савны хий, голын хий гаргадаг уу ?

Хүн бол шаар биш энд тэнд нь дарахад биеэс гарч буй агаар, газ нь УАУ-ны хий, шар, бадганы онолын ХИЙ биш юм. Хий бол бидний бүх эд эрхтэн тогтолцооны үйл ажиллагааг хариуцдаг, биеийг хөдөлгөгч, амьд байлгаж байгаа гол зүйл юм.

Ардын уламжлалт анагаах гэж хүмүүс хольж ойлгох нь их байдаг.

Уламжлалт анагаах ухаан нь онолтой мөн онолын дагуу оношилгоо хийж оношилгоонд тохирсон эмчилгээний тактикийг боловсруулж шат дарааллын дагуу эмчилгээ үйлчилгээг хийж гүйцэтгэдэг тусдаа салбар. Ардын эмчилгээ гэхлээр онолоос илүүтэйгээр ийм үед ингэдэг гэсэн туршлага дээр үндэслэн шууд хийгддэг үйлдэл байдаг.

Барианы цаг эсвэл массажны цаг авах гэсэн юм ?

Уламжлалт анагаах ухааны эмнэлэгт хийгдэж байгаа үйлдэл нь өөрөө өвчнийг болон тухайн өвчний шалтгаанд чиглэсэн байдаг учир эмчилгээ гэж яривал зохино. Бариаг ихэвчлэн ардын эмчилгээний үед хэрэглэдэг, массаж бол алжаал тайлах газар болон саунд хэрэглэдэг нэр томьёо.